Këngëtarja mjaft e njehur shqiptare, Dafina Zeqiri, i dha fund beqarisë një natë më parë, duke kurorëzuar dashurinë e saj me Kreshnik Gjergjin në martesë.

Në një dasmë luksoze me dhjetëra të ftuar VIP, Dafina dhe Kreshniku festuan krah miqve të tyre më të ngushtë dashurinë e tyre.

Dasma e këngëtares beri bujë në të gjitha mediat, por ajo që ka tërhequr edhe më shumë vëmendjen orët e fundit, ka qenë edhe një postim i ish-partnerit të këngëtares, Dj Geek, i cili duket se ka prezantuar të dashurën e tij të re natën e dasmës së ish-it të tij.

Dj Geek, ka postuar në profilin e tij në rrjetin social Instagram, një foto krah modeles Nita Krasniqi.

Dyshja janë shfaqur shumë të afër më njëri-tjetrin ku duket se kanë nisur festimet për natën e Halloween-it.

Kujtojmë se Dafina dhe DJ Geek i kanë dhënë fund lidhjes së tyre vitin e kaluar. Thashethemet se marrëdhënia mes çifit ishte në krizë nisën ku në rrjetet e tyre sociale dy artistët nuk e ndiqnin më njëri-tjetrin.

Vetëm disa muaj nga lidhja e tyre, Dafina deklaroi se kishin vendosur të ndahen. Këngëtarja tregoi se i ishte dashur të zgjidhte mes lidhjes me të dhe karrierës, ndaj vendimi më i mirë i momentit sipas Dafinës ishte të zgjidhte karrierën./Panorama