Fondi Monetar Ndërkombëtar ka vlerësuar ecurinë e ekonomisë shqiptare .Ministri i Financave Petrit Malaj dhe guvernatori Gent Sejko zhvilluan një sërë takimesh në Wshington në kuadëR të takimeve të vjeshtës.
Gjatë një takimi me shefen e misionit të FMN-së në Shqipëri, Anke Weber dhe ekipin e saj, u diskutua rreth zhvillimeve kryesore të ekonomisë dhe prespektivën e së ardhmes. Borxhi publik është reduktuar me mbi 14 përqind, nga 70.4% të PBB-së që shënonte në vitin 2013 në 58.2% që pritet të jetë në fund të vitit 2024.
“Fondi Monetar Ndërkombëtar vlerësoi progresin ekonomik dhe uljen e borxhit publik, si elementë dallues, në një kohë kur, si pjesa tjetër e vendeve të rajonit, ashtu edhe e Europës kanë shfaqur shenja të përkeqësimit të ritmeve të rritjes dhe niveleve të borxhit.”
Po ashtu gjatë takimeve u theksua rëndësia që ka marë sektori I turizmit në ecurinë ekonomike,çelja e kapitujve të parë në procesin e integrimit, si dhe thellimin e reformave ekonomike, që do të ndihmojnë në ruajtjen e prirjeve pozitive.
Me ekipin e FMN-së u diskutua në veçanti edhe për Projektbuxhetin 2025, që siguron nivele të larta investimesh publike dhe politika efikase për një zhvillim të qëndrueshëm.
