Deputeti Xhelal Mziu ka deklaruar se eksplozivi i vendosur pranë shtëpisë së tij është një veprim i kryeministrit Edi Rama, duke theksuar se qeveria përdor frikën për të intimiduar opozitën.

“Absolutisht terreni që kemi sot, ku qeveria është bërë një me krimin, krijon mundësinë për të ndarë armiqtë dhe për të përdorur mjete të tilla për të trembur opozitën,” tha Mziu. Ai shtoi se nuk ka pasur asnjë konflikt personal me individë apo institucione që mund të shpjegonte një sulm të tillë.

Mziu theksoi gjithashtu se lëviz lirshëm në të gjithë vendin dhe nuk ka nevojë për mbrojtje të veçantë, duke e interpretuar ngjarjen si një mesazh për të frikësuar dhe për të “tërhequr vëmendjen nga veprimet e qeverisë.”

Deklarata e tij vjen pas vendosjes së tritolit pranë banesës së tij, një ngjarje që ka shkaktuar shqetësim dhe reagime nga partitë opozitare dhe qytetarët.