Sekretariati i Etikës ka marrë vendimin për deputetët e Partisë Demokratike, pas përplasjeve dhe ndezjes së flakadanëve gjatë seancës së fundit parlamentare, e cila u shoqërua me tensione dhe kaos në sallën e Kuvendit.
Sipas vendimit të marrë, gjashtë deputetë të PD-së janë përjashtuar nga veprimtaria parlamentare për 30 ditë. Deputetët e përjashtuar janë: Belind Këlliçi, Fidel Kreka, Albana Vokshi, Flamur Noka, Klevis Balliu dhe Elda Hoti.
Ndërkohë, për deputetët e tjerë të përfshirë në incidentet e seancës plenare, Sekretariati i Etikës ka vendosur tërheqje vëmendjeje, pa aplikuar masa më të rënda disiplinore.
Vendimi vjen pas shqyrtimit të pamjeve filmike dhe diskutimeve të zhvilluara në mbledhjen e Sekretariatit të Etikës, lidhur me ngjarjet e ndodhura në Kuvend.
