Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Protesta e opozitës e zhvilluar këtë të martë para Parlamentit u shoqërua me tensione dhe dhunë mes demonstruesve dhe forcave të rendit.
Sipas raportimeve zyrtare nga Policia e Shtetit, disa protestues përdorën bomba molotov, lëndë piroteknike dhe sende të forta, duke shkaktuar dëmtime fizike tek punonjësit e policisë. Tre prej tyre u transportuan në spital për ndihmë mjekësore, pasi pësuan djegie dhe trauma nga objektet e hedhura.
Policia njofton gjithsej katër punonjës të lënduar gjatë gjithë protestës. Autoritetet po vijojnë hetimet për identifikimin dhe ndëshkimin e përgjegjësve për përdorimin e dhunës.
Situata para Parlamentit mbetet e tensionuar, ndërsa forcat e rendit qëndrojnë në gatishmëri për të parandaluar përshkallëzimin e dhunës.
