Tedi Blushi, kandidati në listën e mbyllur të koalicionit PD-Aleanca për Shqipërinë Madhështore, i është shmangur pyetjes, nëse do e sakrifikonte ‘karrigen’ e tij në Kuvend për Ilir Metën.

I pyetur nga gazetarët në protestën që po zhvillon opozita, Blushi tha se ‘këto përgjigje do merren në kohën e duhur’.

“Nuk kam asnjë koment tjetër veçse të respektojmë këtë protestë për lirinë e votës. Nuk kam punuar kundër Ilir Metës, duhet t’ia bëni të gjithë atyre që kanë punuar ditë e natë kundër Ilir metës.

Ju e dini se kush fshihet mbrapa, në kohën e duhur do i keni këto përgjigje. Nuk jemi mbledhur sot për këtë çështje, por për lirinë e votës”-u shpreh Blushi.