Një nga çiftet më të njohura të Hollivudit, Ashton Kutcher dhe Mila Kunis, tërhoqën vëmendjen mbrëmë në koncertin e Backstreet Boys, të mbajtur në Sphere në Las Vegas.
Një video që qarkullon në rrjetet sociale tregon çiftin duke kërcyer me këngën hit “I Want It That Way”, duke shkëmbyer fjalë të përzemërta dhe duke u shfaqur të relaksuar dhe të buzëqeshur.
Videoja u bë shpejt virale dhe reagimet e fansave ishin të ndara – ndërsa disa shprehën kënaqësi dhe theksuan se sa të dashuruar dhe të lumtur dukeshin, të tjerë komentuan praninë e tyre në kontekstin e polemikave të mëparshme.
Kujtojmë se në prill të këtij viti, çifti u përball me thashetheme për divorc, pasi u shfaqën foto të tyre në Beverly Hills, të cilat i tregonin të mërzitur, duke nxitur spekulime për një sherr apo tension të kohëve të fundit në marrëdhënien e tyre.
Ata po përballen me një krizë, për shkak të marrëdhënies së Ashton me të turpëruarin Sean Combs, i njohur më mirë si Diddy, i cili është akuzuar për trafikim seksual dhe po mbahet në Nju Jork pa lirim me kusht.
Ashton dhe Mila u takuan 20 vjet më parë në sheshxhirimin e “That ’70s Show” dhe ishin një çift i qëndrueshëm pavarësisht thashethemeve të shumta.
