Vertagear, një markë e njohur për mobilie të dedikuar për lojtarët, ka njoftuar një partneritet me kompaninë Audi, duke rezultuar në krijimin e një koleksioni të ri të karrigeve për lojtarë.

Aktualisht janë të disponueshme tre modele:

SL5800 RS Edition: Ky model karakterizohet nga një kombinim ngjyrash të bardhë dhe të zezë. Është një version më sportiv i karriges, me mbulesa HygennX që sigurojnë freski dhe komoditet edhe pas përdorimit të zgjatur. Çmimi i kësaj karrige është 599 dollarë.

PL4800 Audi Sport Edition: Ky model është dizajnuar në një skemë ngjyrash të zezë dhe të kuqe. Është një model premium i destinuar për përdorues më të gjatë, ofron mbështetje maksimale dhe përfshin një mbulesë të qëndrueshme mikrosuede si dhe elemente dizajni të Audi Sport. Për këtë karrige, çmimi është 699 dollarë.

Çdo karrige përfshin elementët e njohur të Vertagear, duke përfshirë ContourMax Lumbar për mbështetje lumbare dhe pozicion të duhur të trupit, si dhe VertaAir Seat për qarkullim të ajrit dhe shpërndarje të barabartë të peshës.

Modelet me HygennX ofrojnë mbrojtje kundër aromave të pakëndshme dhe lagështisë falë fijeve antibakteriale dhe mbulesave që thahen shpejt.

Sipas Vertagear, këto karrige nuk janë të destinuara vetëm për lojtarët, por mund të përdoren edhe nga profesionistët që kalojnë shumë kohë para kompjuterit.