Këngëtarja me famë botërore, Dua Lipa, është dukur më se tërheqëse me një fustan të shkurtër lëkure ngjyrë të zezë, teksa doli në një takim romantik me të fejuarin e saj Callum Turner në New York, të premten në mbrëmje.
Artistja 29-vjeçare dhe aktori 34-vjeçar janë parë të buzëqeshur dhe të lumtur teksa dilnin nga restoranti luksoz “Hogsalt”, duke mbajtur një qese me ushqim, pasi kishin marrë nga restoranti pjesën e mbetur me vete, shkruan DailyMail.
Dukjen e kishte përmbyllur me një çantë të vogël të zezë dhe flokët e zinj i kishte kapur lart në një topuz të lëmuar.
Ndërkohë, Callum kishte zgjedhur një pamje më të çlirët, me një këmishë të bardhë me vija, të cilën e kishte lënë hapur mbi një bluzë të bardhë të thjeshtë. Ai kishte shtuar pak ngjyrë me pantallona të gjelbërta të stilit “combat” dhe atlete të bardha.
Pas darkës, çifti u panë duke qeshur me njëri-tjetrin teksa hipnin në pjesën e pasme të një SUV-i të zi.
Dua dhe Callum u përfolën për herë të parë si çift në janar të vitit 2024 dhe thuhet se janë fejuar në fund të atij viti. Megjithatë, vetëm kohët e fundit ata kanë filluar të shfaqen publikisht së bashku, pasi më parë rrallë janë parë në shoqërinë e njëri-tjetrit.
