Kreu i PD-së, Sali Berisha është pyetur, nëse do ta thyejë arrestin shtëpiak, në kuadër të  mosbindjes civile.

Berisha nuk është përgjigjur drejtpërdrejt por është mjaftuar duke thënë se mosbindja civile nga nisur nga ai, për të bindur të tjerët më pas.

“Ajo mosbindje civile ka nisur nga unë, duke lënë modestinë mënjanë dhe si koncept dhe si ide është mbrojtur në mënyrë të fuqishme si kundër është zbërthyer, sepse të ftosh të tjerë për mosbindje civile së pari duhet t’i bindësh ata se motivi qëndron plotësisht, se kauza që mbron është e drejtë dhe ajo ça unë jam përpjekur me mundësitë e mia shqiptarët është se kemi të bëjmë me një narko diktaturë. Gjëra që ti thua shpjegon apo mbron nuk zënë menjëherë fole në mendje dhe ndërgjegjen e të tjerëve kur unë kam informuar shqiptarët dhe vijoj të paraqes se Shqipëria ndodhet në formën më të keqe.”, ka thënë Berisha në “Top Story”.