Ish-deputeti demokrat dhe kandidati i Primareve Myslim Murrizi kërkon që të përsëritet votimi për dy degë, atë të Paskuqanit dhe Vorës.

Ai thotë se në këto degë, kutitë janë hapur pa praninë e vëzhguesve dhe numëruesve.

Murrizi thotë se ai personalisht ka marrë 400 vota, dhe se kandidatët e tjerë të primareve që akuzojnë dhe hedhin akuza për manipulim votash duhet të “qetësohen” pasi e dinë shumë mirë se sa vota kanë marrë.

Deklarata e Murrizit:

Të nderuar drejtues të PD dhe të komisionit zgjedhor të primareve të Qarkut Tiranë

Nuk besoj që ka ndonjë nga 82 kandidatët që nuk e di se sa vota ka marrë.

UNË KAM MARRË 400 VOTA PA U HAPUR EDHE DY KUTI AJO E VORËS DHE E PASKUQANIT.

Prandaj boll e mbllaçitët si karamele në gojë shpalljen e rezultatit të Qarkut Tiranë se çdo vonesë shton dyshimet për proces jo të rregullt.

Për 2 Degët Vorë dhe Paskuqan duhet t’i kishit hapur kutitë në prezencë të numëruesve dhe vëzhguesve e jo të dërgoni minj administrate që kanë 25 vjet që lepijnë këpucët e kujdo padrinoje në seli të PD e të dërdellisni për parregullsi.

Merni vendim që në Vorë dhe Paskuqan të përsëriten zgjedhjet të shtunën tjetër e mos i ofendoni Demokratët e këtyre dy Bashkive se nuk jua kanë borxh.

KJO ËSHTË “ STERVITJE”

NDESHJA ËSHTË MË 11 MAJ

Ndaj mos u “ lodhni” shumë në “ stërvitje” se nuk do kemi takat për ndeshjen

RESPEKTE E MIRENJOHJE PER 400 DEMOKRATET QE ME VOTUAN E BESUAN SI KANDIDAT i TYRE NE BETEJEN ME RREGJIMIN.