Më në fund, Neymar rikthehet të jetë pjesë e përfaqësueses së Brazilit, me sulmuesin që mungonte që nga tetori i vitit 2023. Dorival Junior, trajneri i pesë herë kampionëve të botës, bëri publike listën e lojtarëve të grumbulluar për dy sfidat e radhët në kualifikueset e Botërorit, kundër Kolumbisë dhe Argjentinës, pjesë e së cilës ishte edhe Neymar. Futbollisti i Santos nuk e fshehu gëzimin për faktin që do të rikthehet edhe një herë të vesh fanellën e Brazilit:
“Jam shumë i lumtur që rikthehem të jem pjesë e përfaqësueses, sidomos tani që jam pjesë e Santos. Mendoj se gjërat po shkojnë në drejtimin e duhur, kjo është fantastike”, u shpreh Neymar.
