Kryebashkiaku Erion Veliaj i ka mohuar edhe në Gjykatë akuzat e Prokurorisë.

Në dëshminë e tij ai ka thënë se ende nuk i është shpjeguar se përse është arrestuar.

Më tej ai ka dëshmuar se vila në Qerret nuk është e tij.

“Nuk më është shpjeguar edhe sot pse jam i arrestuar, unë një kryetar bashkie që jam votuar nga populli i Tiranës, kam bërë detyrë time. I kam hyrë në hak familjes se kam punuar edhe të shtunë edhe të diele edhe për festa kam punuar.

Por mallkuar qoftë ai që punon në këtë vend, se bëhet objekt sulmi dhe gjendet në këtë situatë qe jam unë sot. Vila në Qerret nuk është e jona, është e natyrshme që aty do gjenden lodrat e fëmijës sim dhe se bashkëshortja ime është fëmijë i vetëm dhe vjehrra ime dhe nuk e di pse duket kaq e panatyrshme që të jenë lodrat e fëmijës tek shtëpia e gjyshes”, ka deklaruar ai.