Gjykata e Posaçme e Shkallës së Parë për Korrupsionin dhe Krimin e Organizuar ka shpallur dënimin për Jemin Ali Sherën, duke e dënuar me 35 vite burg, për vrasjen e Behar Sofisë.
Ky dënim është dhënë në mungesë të të pandehurit, pasi Shera ndodhet në kërkim.
Në përfundim të gjykimit, trup gjykues i përbërë nga gjyqtarët Rudina Palloj, Elsa Ulliri dhe Etleva Deda e ka dënuar Jemin Sherën bazuar në nenin 55 të Kodit Penal, duke bashkuar dënimet e mëparshme.
Autoritetet vazhdojnë përpjekjet për kapjen e tij.
