Eksperti i Kriminalistikës Ervin Karamuço komentoi ngjarjet kriminale në vend, duke u ndalur edhe tek atentati në Dobraç, me pasojë katër viktima.

Gjithashtu ai theksoi se situatë në Shkodër mbetet shqetësuese. I ndalur tek vrasja e Eduart Reçit në Tiranë, Karamuço tha se është përdorur një armë që nuk është parë më parë, dhe se sipas tij është hera e parë që është përdorur, duke shtuar se ka specifikat e saj dhe se bën dëm në zona vitale siç mund të jetë koka.

“Ka një përpjekje drejtori i përgjithshëm i policisë së Shtetit, drejtor i qarkut po e po, por edhe shefa krimesh do të jenë fytyra të reja. Ata që dyshohet se marrin para kanë tradhtuar kolegë do të jenë fytyrë e re.

Është lënë një afat 1-vjeçar, janë në një tes të madhe se çfarë do ndodhë pasi situatë në Shkodër është shumë e tensionuar. Pardje natën ka pasur dy krisma me armë. Të gjithë të futur brenda në shtëpi pas menduar se lagja në Golem afër Dobraçit mendoni se kanë ardhur për t’u hakmarrë. FNSH e kanë në qytet, por shumica janë nga ajo zonë dhe janë hedhur në erë banesa e shtëpi. Por mund të thuhet se fakti që e mori SPAK, është në rrugë të mbarë.

Tani këtë çështje të madhe po e Heton SPAK dhe i ka thënë policisë kriminale jeni në rrugë të mbarë, kryeni këto veprime dhe besoj se kjo çështje është pothuajse e zbardhur. Për vrasjen e ndodhur pranë ambasadës amerikanë është e një stili ndryshe e një dorë që nuk e kemi njohur më parë, shkruan Tema.

Edhe arma që është përdorur, është hera e parë që është përdorur dhe ka specifikat e saj që bën dëm në zona vitale siç mund të jetë koka. Por ka një fuqi goditje deri në 70 metra dhe goditja është bërë nga 20-25 metra duke shfrytëzuar zhurmën e fishekzjarreve dhe ka qene një skenar i mirë organizuar”, tha ai.