Këshilli i Mandateve ka vendosur që anëtarët të marrin me vete USB-në që përmban provat për dosjen hetimore të zv.kryeministres Belinda Balluku. Lajmi është konfirmuar nga gazetari, Muhamed Veliu.
Kërkesa për të pasur qasje në provat u bë nga anëtarët demokratë të Këshillit të Mandateve. Pas shqyrtimit, Këshilli vendosi që anëtarët mund të marrin USB-në, e cila përmban rreth 10 mijë faqe dokumentacion, por me kushte të qarta: të ruajnë sekretin hetimor dhe të mos bëjnë publike përmbajtjen e dosjes hetimore.
Ky vendim vjen në kuadër të shqyrtimit të kërkesës së SPAK për autorizimin e arrestimit të Ballukut dhe synon të sigurojë qasje të drejtë për të gjithë anëtarët e Këshillit, duke respektuar sekretin hetimor dhe procedurat ligjore.
Vendimi pritet të ndikojë në mënyrën se si do të zhvillohet shqyrtimi i kërkesës së SPAK dhe t’i mundësojë anëtarëve të Këshillit të Mandateve të marrin një vendim të informuar mbi heqjen e imunitetit të Ballukut.
