Ministri grek i Mbrojtjes, Nikos Dendias, ka mbërritur këtë të hënë, më 25 maj, në Shqipëri, në kuadër të një vizite zyrtare.
Që prej orës 12:30, ai po zhvillon një takim me kryeministrin Edi Rama, si dhe me përfaqësues të tjerë të institucioneve shqiptare. Në takim është i pranishëm edhe ministri i Mbrojtjes Ermal Nufi.
Sipas raportimeve të mediave greke, vizita e Dendias përfshin takime të nivelit të lartë, të cilat synojnë rifillimin e diskutimeve lidhur me procesin e përcaktimit të kufirit detar mes dy vendeve.
Bisedimet vijnë në një moment kur çështjet dypalëshe mes Shqipërisë dhe Greqisë vijojnë të jenë pjesë e agjendës diplomatike, ndërsa palët kanë shprehur më herët gatishmëri për dialog mbi çështjet e mbetura pezull.
