Drejtori i Policisë së Tiranës, Elton Alushi, ka dhënë dorëheqjen nga detyra. Burime bëjnë me dije se dorëheqja është dorëzuar me postë dhe pritet të konfirmohet nga drejtori i Përgjithshëm i Policisë së Shtetit, Skënder Hita.
Alushi ishte emëruar në krye të Policisë së Tiranës në nëntor 2024, pas një gare të zhvilluar sipas ligjit të ri të Policisë së Shtetit, duke qëndruar në detyrë për rreth një vit e gjysmë.
Ai ka qenë më herët një prej bashkëpunëtorëve të afërt të ish-drejtorit të Policisë së Shtetit, Ilir Proda, i cili u largua nga detyra me dorëheqje në fillim të muajit mars.
Emërimi i Alushit në krye të Policisë së Tiranës ishte konsideruar surprizë, pasi ai drejtonte për herë të parë një qark të rëndësishëm si Tirana. Më herët, ai ka mbajtur detyra si zv/drejtor qarku, shef sektori dhe shef komisariati.
Me ardhjen e drejtuesit të ri të Policisë së Shtetit, Skënder Hita, janë vënë re ndryshime në strukturat drejtuese, ndërsa dorëheqja e Alushit pritet të formalizohet në ditët në vijim.
