Partia Demokratike – Aleanca për Shqipërinë Madhështore (PD‑ASHM) ka depozituar një seri ankimimesh në Komisionin e Ankesave dhe Sanksioneve (KAS) dhe në Kolegjin Zgjedhor Gjyqësor, duke kontestuar ligjshmërinë dhe drejtësinë e procesit zgjedhor të 11 majit 2025 në dhjetëra qarqe të vendit.

Risjellim në vëmendje ankimimet në qarqet përkatëse

Qarku Tiranë

PD ankimoi rezultatin e zgjedhjeve duke paraqitur akuza të “treni bullgar”, blerje votash përmes bonuseve, përdorimit të administratës dhe investimeve publike selektive në fushatë. Paramendimet ligjore dhe provat e propozuara nuk bindën autoritetet dhe Qarku Tiranë mbeti i pa kontestuar, duke mundësuar shpalljen përfundimtare të mandateve .

PD nuk arrin të anulojë zgjedhjet në Tiranë/ Kolegji jep vendim përfundimtar

Qarqet Dibër, Shkodër dhe Berat

PD kërkoi shpalljen e pavlefshme dhe përsëritjen e zgjedhjeve në Dibër e Shkodër, ndërsa në Berat kundërshtoi vendimet zyrtare të KQZ-së për rezultatet e tabelave përmbledhëse

KAS vlerësoi kërkesat si të pambështetura në ligj dhe prova, edhe pas rinumërimit të qendrave të votimit në Dibër, dhe vendosi rrëzimin e tyre me shumicë votash.

Qarqet Durrës, Lezhë, Fier, Korçë, Gjirokastër

PD ankimon gjithashtu rezultatet e zgjedhjeve në qarqet Durrës, Lezhë (më 28 maj), Fier, Korçë dhe Gjirokastër.

Sa ankimime janë rrëzuar?

KAS ka rrëzuar ankimet për Dibër, Shkodër, Berat dhe Tiranën, si të pa mbështetura në ligj dhe prova.

Ankimimet  jane rrezuar edhe në qarqet Lezhë, Fier, Durrës, Korçë dhe Gjirokastër, ku PD ka paraqitur akuza të ngjashme sipërdorim të administratës, blerje votash, përdorim të strukturave të krimit të organizuar dhe mangësi në trajtimin e votës së diasporës