Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Një atentat mafioz ka ndodhur mëngjesin e sotëm në Shkodër, ku dy persona mbetën të vrarë dhe dy të tjerë të plagosur. Viktimat janë 31-vjeçari Liridon Kraja, truproja e Erogen Vasos, dhe Armando Pali, i cili ndodhej me të gjatë ngjarjes.
Të plagosur mbetën Erogen Vaso, alias Brajoviç, i dyshuari kryesor i atentatit, dhe një kamarier i lokalit ku ndodhi ngjarja.
Autori i dyshuar, Ragip Gilaj, tentoi të arratisej fillimisht me motor, por e braktisi atë dhe tentoi largimin me automjet, duke pësuar një aksident në zonën e ish-kryqëzimit të “Degës”. Pas ndjekjes, ai u arrestua nga policia.
Burime bëjnë me dije se Gilaj kishte qenë më parë i arrestuar për armëmbajtje pa leje dhe trafik droge dhe dyshohet të jetë një vrasës me pagesë. Hetimet për zbardhjen e plotë të ngjarjes vijojnë.
