Kur na ndan vetëm një ditë nga afati i dorëzimit të listave të kandidatëve për deputetë, selia blu vijon të jetë e mbërthyer nga ethet e emrave. Jo vetëm për figurat nga radhët e saj që do të jenë pjesë e ushtrisë prej 186 emrave që do zbresin në betejën e 11 majit, por edhe për strehimin e aleatëve me të cilët Sali Berisha ka ndërtuar koalicionin “PD-Aleanca për Shqipërinë Madhështore”. Berisha mbërriti në seli rreth mesditës, për të bërë përpilimet e fundit të kësaj liste.

Në listën e mbyllur, Sali Berisha pritet të qëndrojë vetë, bashkë me një sërë drejtuesish të PD. Duke nisur që nga Flamur Noka, Belind Këlliçi, Albana Vokshi, Edi Paloka, Besart Xhaferri, Jozefina Topalli, Ilda Zhulali dhe aleatët Fatmir Mediu, Tedi Blushi si dhe Shpëtim Idrizi, raporton Shqiptarja.com.

Me ngushtimin e mundësive në listë të hapur mund të ngelen emrat më të votuar të primareve, si Hysen Kadiu, Ilir Alimehmeti, Jorida Tabaku, Dhurata Çupi apo Grigels Muçollari. Këtyre të fundit mund t’u bashkohen në listë të hapur edhe emra të tjerë nga radhët e aleatëve siç mund të jetë Mesila Doda e PDIU.

EMRAT E MUNDSHËM PËR LISTAT E TIRANËS

1-Sali Berisha

2-Edi Paloka

3-Flamur Noka

4-Albana Vokshi

5-Belind Këlliçi

6-Fatmir Mediu

7-Shpëtim Idrizi

8-Jozefina Topalli

9-Besart Xhaferri

10-Tedi Blushi

11-Ilda Zhulali

12-kandidate grua

Lista e Durrësit do të kryesohet nga drejtuesi politik i Durrësit, Oerd Bylylkbashi i cili pritet të pasohet nga kandidati i agrarëve Artan Luku, Igli Cara dhe zëdhënësja e Berishës Floriana Garo, e cila ndonëse mori vetëm 32 vota në primare, pritet të jetë në listë të sigurt me argumentin e kontributit politik në PD gjatë këtyre viteve. Në listë të mbyllur flitet të jetë edhe Fatbardha Kadiu ndërsa në atë të hapur pritet të jenë deputetja aktuale Andia Ulliri, Arian Ndoj, Aulon Kalaja, Dritan Burgija e Luan Hoti.

EMRAT E MUNDSHËM PËR LISTAT E DURRËSIT

Oerd Bylykbashi

Kandidati i PAA Artan Luku

Igli Cara

Floriana Garo

Fatbardha Kadiu

Në listat e Elbasanit, krahas drejtuesit Politik Tomorr Alizoti në listën e mbyllur do të jetë edhe kandidati i PL Edmond Haxhinasto, ndërsa nga emrat e tjerë mund të jenë deputetët aktualë Dashnor Sula e Zheni Gjergji apo drejtues të strukturave lokale të PD si Blendi Himçi, Aurel Bylykbashi apo Klodiana Çapja.

EMRAT E MUNDSHËM PËR LISTAT E ELBASANIT

Tomorr Alizoti

Edmond Haxhinasto

Dashnor Sula

Zheni Gjergji

Blendi Himci

Aurel Bylykbashi

Klodjana Çapja

Në Fier lista do të drejtohet nga Gazment Bardhi ndërsa pritet të jenë Luan Baçi, Eduart Sharka, Saimir Korreshi, Ilda Dhori, e Elisabeta Rredhi. Në listat e Fierit mund të jetë edhe aleatja e PL Erisa Xhixho nëse ajo nuk do të jetë e 12-ta në zonën e sigurt të Tiranë. Nëse Xixho tyë vendoset në Tiranë, atëherë Partia e Lirisë do të fusë në listë të sigurt të Fierit, Brunilda Haxhiun.

EMRAT E MUNDSHËM PËR LISTAT E FIERIT

Gazment Bardhi

Luan Baçi

Elisabeta Rredhi

Eduart Sharka

Saimir korreshi

Ilda Dhori

Erisa Xhixho ose Brunilda Haxhiu

Pa shumë surpriza pritet të jetë edhe lista e Shkodrës. Aty nuk do të ketë aleatë në lista të sigurta, por krahas numrit një, drejtuesit politik Luçiano Boçit, në lista pritet të jenë ish kryebashkiaku Bardh Spahia, kryetarja aktuale e degës Eliona Shkreli e deputetët aktualë Ramadan Likaj e Greta Bardeli. Mes të rinjve emri më potencial për të qenë në lista, qofshin edhe ato të hapura është Tedi Kopliku.

EMRAT E MUNDSHËM PËR LISTAT E SHKODRËS

Luçiano Boçi

Bardh Spahia

Eliona Shkreli

Ramadan Likaj

Tedi Kopliku

Greta Bardeli

Lista e Vlorës do të strehojë po ashtu një aleat. Krahas drejtuesit politik Bujar Leskaj dhe më të votuarës në primare Ina Zhupa, në listën e sigurt pritet të jetë kreu i PBDNJ Vangjel Dule si dhe Atird Hoxha e Manjola Nikollo.  

EMRAT E MUNDSHËM PËR LISTAT E VLORËS

Bujar Leskaj

Ina Zhupa

Vangjel Dule

Atird Hoxha

Manjola Nikollo

Në Lezhë Berisha do të fusë në zonë të sigurt, duke e çuar automatikisht në parlament Gjin Gjonin, ish gjyqtarin pa vetting, i cili me gjasë do të renditet i dyti në listë pas Agron Gjekmarkajt drejtuesit politik. Në lista pritet të futen edhe 3 deputetët aktualë Elda Hoti, Lindita Metaliaj e Kastriot Piroli.

EMRAT E MUNDSHËM PËR LISTAT E LEZHËS

Agron Gjekmarkaj

Gjin Gjoni

Elda Hoti

Lindita Metaliaj

Kastriot Piroli

Në Korçë pritet të ketë përfaqësues të aleatëve, Partisë së Lirisë dhe PBDNJ-së në listat e hapura, ndërsa lista hermetike me gjasë do të ketë përfaqësues vetëm nga PD, me garancinë e përfaqësimit të të gjitha zonave:

Lista e kryesuar nga drejtuesi Ivi Kaso pritet të pasohet nga Genti Çela, Bledion Nallbati, Ledian Aliolli dhe Eleni Qirici. Do të jetë në vendimmarrjen e Berishës nëse në listë të mbyllur do të jetë deputeti aktual Edmond Spaho.

EMRAT E MUNDSHËM PËR LISTAT E KORÇËS

Ivi Kaso

Genti Çela

Bledion Nallbati

Ledina Aliolli

Eleni Qirici

Edhe në katër qarqet e tjera, Gjirokastër, Berat, Dibër e Kukës ku PD nuk merr më shumë se 2 mandate në secilin, emrat pritet të mos kenë shumë surpriza.

EMRAT E MUNDSHËM PËR LISTAT E GJIROKASTRËS

Tritan Shehu

Alma Kore

Arben Ristani

EMRAT E MUNDSHËM PËR LISTAT E BERATIT

Enno Bozdo

Zija Ismaili

Fatmira Kola

EMRAT E MUNDSHËM PËR LISTAT E DIBRËS

Xhelal Mziu

Ilir Krosi

Denisa Vata

Basir Çollaku

EMRAT E MUNDSHËM PËR LISTAT E KUKËSIT

Flamur Hoxha

Shkëlzen Ibra

Isuf Çelaj

Lista finale e kandidatëve për deputetë pritet të zyrtarizohet mesnatën e 12 marsit, kur edhe skadon afati, kur të jenë reflektuar edhe emrat e kandidatëve të partive aleate që do të futen në listë të hapur.