Ministrja e Infrastrukturës dhe Zv/Kryeministrja, Belinda Balluku, bëri të ditur gjatë konferencës “Shqipëria Turistike 2030” se tarifa për kalimin e një autoveture në tunelin e Llogarasë do të jetë 250 lekë me TVSH, duke hedhur poshtë spekulimet për çmime më të larta.

Balluku sqaroi se pas një analize të gjerë të kostove operacionale dhe amortizimit të infrastrukturës së tunelit, çmimi për një kalim në një drejtim është 250 lekë, ndërsa vajtje-ardhje do të kushtojë 500 lekë.

“Jo 10 euro, jo 5 euro, as 50 euro siç është përfolur më parë”, deklaroi Balluku. Ajo shtoi se çmimet për kategori të tjera, si autobusët dhe trajlerat, do të përcaktohen pas një studimi të detajuar të fizibilitetit.