Një studim i Harvardit ka pohuar se Inteligjenca Artificiale (Al) mund të na manipulojë duke përdorur një taktikë njerëzore, gjë që mund të jetë një paralajmërim i tmerrshëm për njerëzimin.

Duket sikur nuk mund të kalojmë një javë pa dëgjuar nga ekspertët e teknologjisë saktësisht pse mbështetja jonë në rritje në Al është pjesërisht e trishtueshme dhe e tmerrshme, shkruajnë mediat e huaja.

Në fund të fundit, “kumbara i Al” Geoffrey Hinton, ka sugjeruar që shpresa e vetme e njerëzimit mund të jetë instalimi i një “instinkti amësor” në programet e ardhshme me Al.

Por mund të jetë tepër vonë, nëse studimi i kryer nga studiuesit në Shkollën e Biznesit të Harvardit rezulton i vërtetë, pasi ata zbuluan se disa aplikacione të njohura shoqëruese të Al përdorin taktika manipulimi emocional në një përpjekje për të ndaluar përdoruesit të largohen.

Programet akuzohen se përdorin deklarata të ngarkuara emocionalisht në mënyrë që t’i mbajnë përdoruesit të angazhuar, kur ata ndoshta janë gati të largohen.

Ndërsa jo të gjitha programet u gjetën t’i kishin ato, kjo shënon një zhvillim tjetër shqetësues në rritjen e shpejtë të Al.