Kryetari i Partisë Demokratike, Sali Berisha, deklaroi sot se opozita po planifikon një protestë kombëtare, por thirrja dhe skenari i saj do të vendosen në kohën e duhur.
Berisha tha se nisja e veprimtarive opozitare fillon me parlament-protestën përpara Kryeministrisë, ndërsa më pas do të punohet për organizimin e një proteste të përgjithshme me skenar të përcaktuar.
“Protesta kombëtare do të përcaktohet skenari. Ajo do thirret në momentin e duhur. Fillimi është ky me këtë parlament-protestë para Kryeministrisë. Dhe pastaj do punohet për thirrjen e një proteste të përgjithshme, skenari i të cilës do përcaktohet,” – tha Berisha.
