Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Partia Demokratike ka thirrur këtë të premte, më 17 prill, protestën e radhës kombëtare në Tiranë, duke rikthyer mobilizimin e saj opozitar në kryeqytet.
Tubimi pritet të nisë në orën 19:00 para godinës së Kryeministrisë dhe, sipas lejes së dhënë nga autoritetet shtetërore, do të zgjasë rreth tre orë.
Për garantimin e rendit dhe sigurisë, Policia e Shtetit ka angazhuar rreth 1500 efektivë në terren. Në ndjekje të drejtpërdrejtë të situatës ndodhet edhe drejtori i Policisë së Shtetit, Skënder Hita.
Autoritetet bëjnë thirrje për zhvillimin paqësor të protestës dhe respektimin e ligjit, ndërsa pritet që tubimi të sjellë kufizime të përkohshme të qarkullimit në zonën qendrore të kryeqytetit.
Protesta vjen në vijim të aksioneve opozitare të ndërmarra muajt e fundit, ku Partia Demokratike ka artikuluar kërkesa politike dhe kritika ndaj qeverisë.
