Sipas urdhrit që mban datën 20 maj, pezullimi i Dorina Hoxhës është bërë pas shprehjes së interesit të saj për të kandiduar për postin e anëtares së Këshilli i Lartë Gjyqësor.

Në dokument thuhet se, për shkak të kandidimit të saj, të gjitha kompetencat e dekanes i kalojnë profesor Skënder Kaçupi.

Rasti ka ngjallur debat dhe shqetësime lidhur me autonominë universitare dhe mënyrën e funksionimit të institucioneve akademike. Kritikët e këtij vendimi ngrenë dyshime se kemi të bëjmë me një precedent të rrezikshëm, duke argumentuar se universiteti nuk mund të funksionojë si “pronë private e rektorit”.

Po ashtu, debat ka shkaktuar edhe fakti që kompetencat nuk iu deleguan zëvendësdekanit të Fakultetit të Drejtësisë, por profesor Skënder Kaçupit, i cili vlerësohet si figurë e respektuar akademike, por për të cilin ngrihen pikëpyetje nëse mund të ushtrojë funksionin në mënyrë efektive për shkak të moshës dhe natyrës së detyrës.