Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Ministrja e Arsimit, Mirela Kumbaro, ka reaguar përmes një mesazhi drejtuar prindërve, pas disa ditësh protestash dhe tensionesh, ndërsa nxënësit janë larguar nga mësimi dhe prindërit shprehin shqetësim për sigurinë e fëmijëve të tyre.
Në mesazhin e saj, Kumbaro thekson se mësuesit janë në krye të detyrës dhe se procesi mësimor vijon në shkolla. Ajo u bën thirrje prindërve të mos lejojnë që fëmijët të përfshihen në situata të dhunshme.
“Të dashur prindër, arsimtarët janë në krye të detyrës, shkollat vijojnë mësimin. Të mos lejojmë që fëmijët tanë të përdoren për qëllime të errëta e të dhunshme, duke i vënë vetë fëmijët në rrezik”, shkruan ministrja.
Reagimi i Kumbaros vjen në një moment kur protestat dhe tensionet kanë ngritur shqetësime për sigurinë e nxënësve. Ndërkohë, thirrjet për bojkotimin e mësimit dhe frika e disa prindërve për t’i dërguar fëmijët në shkollë kanë shtuar pasigurinë rreth vijimit normal të procesit mësimor.
Megjithatë, ministrja nuk jep në mesazhin e saj detaje mbi masat konkrete të sigurisë në shkolla apo mënyrën se si po garantohet pjesëmarrja e nxënësve në mësim në kushtet e tensioneve.
Mesazhi i saj vjen pas disa ditësh protestash, ndërsa mbetet për t’u parë nëse institucionet arsimore do të ndërmarrin masa shtesë për të garantuar sigurinë e nxënësve dhe për të qetësuar shqetësimet e prindërve.
