Evis Berberi do të vijojë të qëndrojë në burg, pasi Gjykata e Posaçme kundër Korrupsionit dhe Krimit të Organizuar ka rrëzuar kërkesën e tij për zëvendësimin e masës së sigurisë “arrest me burg” me garanci pasurore.
Vendimi është dhënë nga gjyqtarja Marinela Osmani, e cila nuk pranoi argumentet e paraqitura nga mbrojtja ligjore e ish-drejtorit të Autoriteti Rrugor Shqiptar.
Evis Berberi mbahet në paraburgim që prej muajit mars të vitit 2024, pasi po hetohet nga Struktura e Posaçme kundër Korrupsionit dhe Krimit të Organizuar për veprat penale të korrupsionit pasiv, pastrimit të parave dhe shkeljes së barazisë në tendera.
Sipas organit të akuzës, hetimet ndaj ish-kreut të ARRSH lidhen me dyshime për përfshirje në afera korruptive dhe procedura tenderimi të kundërshtuara gjatë kohës që drejtonte institucionin.
