Me përfundimin e fjalimit të kryetarit të Partisë Demokratike, Sali Berisha, disa protestues kanë hedhur fishekzjarrë drejt godinës së Kryeministrisë, duke rikthyer një skenar të ngjashëm me tubimet e mëparshme të opozitës.
Protesta e Partisë Demokratike nisi rreth orës 19:00, ku fillimisht u mbajtën fjalime me mesazhe politike nga drejtues të ndryshëm të opozitës dhe pjesëmarrës në tubim.
Pas përfundimit të fjalimit të Berishës, situata u shoqërua me hedhjen e fishekzjarrëve drejt institucionit qeveritar, ndërsa në shesh vijuan thirrjet dhe reagimet e protestuesve.
Ndërkohë, mbetet për t’u parë se cilat do të jenë hapat e radhës të Partisë Demokratike dhe organizatorëve të protestës në vijim të tubimit të sotëm.
