Dy punonjës të policisë së Kosovës janë sulmuar teksa ishin në detyrë, nga tre person të dyshuar, të cilët janë arrestuar nga policia.
Mediat në Kosovë raportojnë se policët kanë marrë ndihmë mjekësore. Ngjarja ka ndodhur kur efektivët po zbatonin një urdhër arrest të lëshuar ndaj një personi.
“Vushtrri, 28.11.2024 – 17:00. Dy zyrtarë policorë gjatë realizimit të një urdhër arresti ndaj të dyshuarit kosovar kanë pësuar lëndime trupore pasi janë sulmuar fizikisht nga i dyshuari dhe dy familjarë të tij.
Tre të dyshuarit janë arrestuar. Zyrtarët policorë kanë pranuar trajtim mjekësor. Njëri prej të dyshuarve pas inicimit të rastit është dërguar në vuajtje të dënimit ndërsa dy të dyshuarit tjerë janë dërguar në mbajtje”, thuhet në njoftimin e policisë.
Sipas policisë, edhe në Prizren dje është arrestuar një tjetër shtetas kosovar pasi kanosi dhe ofendoi një zyrtar policor gjatë kryerjes së detyrës zyrtare.
