SpaceX raportoi 8 milionë përdorues aktivë në mbarë botën duke arritur kështu një objektiv madhor me shërbimi e saj të internetit satelitorë Starlink.

Përmes një postimi në rrjetin social X, Starlink falenderoi konsumatorët duke konsideruar se kjo bazë përdoruesisht shtrihet në 150 vende të botës.

Në muajin Gusht Starlink kishte 7 milionë përdorues ndërsa në Qershor 6 milionë duke vënë theksin tek rritja më e shpejtë e regjistruar ndonjëherë që kur filloi të ofrohej si shërbim 5 vite më parë.

Bazuar në të dhënat e reja, Starlink shtoi 14,250 përdorues në ditë që kur kapërceu kufirin e 7 milionë abonentëve, një ritëm rekord rritjeje.

Në Shtator të 2024 Starlink kishte 4 milionë përdorues sipas të dhënave të bëra publike nga vetë kompania. SpaceX nga ana tjetër vijon të zgjerojë mbulimin, të shtojë kapacitetin dhe të nxisë adoptimin përmes ofertave promocionale mjaft agresive.

Disa përdorues raportojnë se Starlink po ofrohet me çmime rekord të ulëta deri në 50 përqind zbritje për kontratat 24 mujore. /PCWorld Albanian