Qeveria ka marrë vendim për ndryshime në drejtimin e Burgjeve, duke liruar nga detyra drejtorin e përgjithshëm Klevis Qose.
Vendimi është marrë gjatë mbledhjes së fundit të qeverisë. Qose e mbante këtë detyrë që nga viti 2024.
Në krye të institucionit është emëruar Adriatik Kupi, i cili do të marrë drejtimin e ri të Drejtorisë së Përgjithshme të Burgjeve.
Ky ndryshim vjen si pjesë e riorganizimeve të brendshme në administratë, ndërsa nuk janë bërë ende publike arsyet specifike të largimit të Qoses.
