Pas shpalljes së dënimeve ndaj ish-krerëve të UÇK-së, situata është tensionuar jashtë ambienteve të Gjykatës Speciale në Hagë, ku prej orësh ishin mbledhur mijëra shqiptarë në pritje të vendimit.
Në pamjet e publikuara nga fotografi holandez Bob van Keulen, shihen përplasje mes disa prej të pranishmëve dhe policisë, ndërsa raportohet edhe për shoqërimin e disa personave.
Në video shihen gjithashtu persona që përpiqen të qetësojnë turmën, ndërsa forcat e policisë ndërhyjnë për të kontrolluar situatën.
Tensionet kanë nisur pas vendimit të Gjykatës Speciale ndaj Hashim Thaçit, Kadri Veselit, Jakup Krasniqit dhe Rexhep Selimit, të cilët u dënuan në total me 81 vite burgim.
