Ministria për Evropën dhe Punët e Jashtme ka për synim që deri në fund të këtij viti të mbahet konferenca e tretë ndërqeveritare për hapjen e grup kapitullit të gjashtë që ka të bëjë me politikën e jashtme dhe deri në fund të 2025 të hapen të gjithë grup kapitujt e acquis së BE.
Në Komisionin për Çështjet Europiane, Ministri Igli Hasani dha detaje mbi prioritetet e projekt buxhetit 2025 lidhur me shërbimin e jashtëm.
Hasani u ndal edhe në procesin e regjistrimit të emigrantëve për të votuar në zgjedhjet elektorale të vitit të ardhshëm.
Grup kapitulli i gjashtë mbi politikën e jashtme pritet të jetë më i lehti për Shqipërinë dhe ai që do të mbyllet i pari, pasi 99% e politikës së jashtme të Shqipërisë është e linjëzuar me Bashkimin Evropian.
