Cher deklaroi në librin e saj të kujtimeve se ish-bashkëshorti Sonny Bono ia mori të gjitha paratë e saj. Ata ishin të martuar nga viti 1964 deri në vitin 1975 dhe kishin edhe një partneritet biznesi.
Ata u takuan në vitin 1962 dhe arritën një karrierë muzikore. Albumi i tyre i parë u quajt “Look at Us”. Në një moment, ata kishin deri në pesë këngë në listën e 50 më të mirëve të Billboard. Vetëm Beatles dhe Elvis Presley arritën të njëjtin sukses.
Të dy drejtuan shfaqjen e CBS, “The Sonny & Cher Comedy Hour” në vitet 1970. Rreth 30 milionë njerëz e ndoqën këtë shfaqje çdo javë.
“Më mori të gjitha paratë. Mendova: ‘Ne jemi burrë e grua’. Gjysma është e tij dhe gjysma është e imja. Nuk më shkoi mendja se kishte rrugë tjetër’, ka shkruar ajo.
Sonny themeloi kompaninë ‘Cher Enterprises’. Rreth 90 për qind ishte në pronësi të tij, dhe pesë për qind ishte në pronësi të avokatit të tij. Ai ndërroi jetë në vitin 1998.
“Do të doja ta pyesja: ‘Soni, në çfarë pike vendose që mund të më marrësh të gjitha paratë?’”, tha ajo. Ajo pohon gjithashtu se ai e pengoi të rrinte me miqtë e saj. Ai e fajësoi atë për mashtrimet e tij.
“U zgjova herët një mëngjes, mendoj se ishte rreth orës pesë, dhe thjesht mendova, ‘Nuk do ta bëj më këtë. Do ta lë atë’”, zbuloi ajo. /Telegrafi/
