Kryetari i Partisë Demokratike, Sali Berisha, gjatë një takimi me emigrantët shqiptarë, deklaroi prerazi se projekti i Ballkanit të Hapur do të marrë fund, duke e cilësuar atë si një dëm ekonomik për shqiptarët.https

“Ballkani i Hapur stop. Do të hidhet në kosh! Argati i Vuçiçit do të përgjigjet për krimin ekonomik që ka kryer ndaj shqiptarëve”, u shpreh Berisha.

Ai gjithashtu theksoi se një nga shtyllat kryesore të programit të tij është “pastrimi i shtëpisë”, duke nënkuptuar largimin e korrupsionit dhe të gjithë atyre që kanë abuzuar me pushtetin.

“Shtëpia jonë do të pastrohet! Po si mund të hyjë Zoti në një shtëpi të ndotur? Librat e shenjtë thonë se duhet pastruar më parë. Por sot, shtëpinë e kanë në dorë hajdutët më të mëdhenj të kohërave. Kryeministri aktual nuk është gjë tjetër veçse një ‘Toto Rino’, një Escobar”, tha Berisha, duke e krahasuar Edi Ramën me figura të botës kriminale.

Në përfundim, ai i bëri thirrje shqiptarëve të bashkohen për të sjellë ndryshimin, duke premtuar një Shqipëri të drejtë dhe të lirë.