Një sulm me raketa ruse mbi një poligon stërvitor të Forcave të Armatosura të Ukrainës ka shkaktuar vdekjen e 6 ushtarakëve dhe plagosjen e të paktën 10 të tjerëve gjatë një stërvitjeje dje, tha Grada Kombëtare e Ukrainës sot, duke shtuar se komandanti i njësisë ishte pezulluar.

Ndërkohë, Ministria e Mbrojtjes e Rusisë deklaroi se sulmi në kampin e stërvitjes në rajonin Sumy, në Ukrainën verilindore, ka vrarë deri në 70 ushtarakë ukrainas, përfshirë 20 instruktorë.

Në deklaratën e Gardës Kombëtare të Ukrainës thuhej se është duke u zhvilluar një hetim i brendshëm mbi rrethanat e ngjarjes dhe se detajet janë ndarë me autoritetet ligjzbatuese.