Kryetari i Partisë Mundësia dhe deputeti Agron Shehaj deklaroi për mediat jashtë Kuvendit se PS dhe PD kanë rënë dakord për ndryshimin e Kushtetutës, duke e bërë këtë sipas tij në dëm të partive të reja politike.
Shehaj akuzoi dy partitë e mëdha se janë bashkuar me një interes të vetëm: të mbajnë pushtetin dhe të sigurojnë që të jenë e vetmja alternativë politike.
“Bënë këtë seancë të sotme thjesht një farsë. Të hënën bien dakord për ndryshimin e Kushtetutës dhe sot bëjnë sikur zihen. Interesi i qytetarëve dhe betejat e opozitës janë lënë mënjanë. PS dhe PD janë bërë bashkë për të mbajtur pushtetin dhe për të qenë e vetmja alternativë,” tha Shehaj.
