Gjykata e Apelit të Posaçëm ka vendosur të prishë vendimin e Gjykatës së Posaçme Kundër Korrupsionit dhe Krimit të Organizuar (GJKKO) për ish-kryeprokurorin e Vlorës, Aurel Zarka, duke kthyer çështjen për rigjykim në GJKKO.
Vendimi u mor këtë të mërkurë nga treshja e gjyqtarëve Miliana Muça, Saida Dollani dhe Dhimitër Lara.
Zarka kishte ankimuar dënimin e mëparshëm, i cili e kishte gjykuar me 4 vite burg për korrupsion dhe ndikim të paligjshëm në lidhje me çështjen “Toyota Yaris”. Për shkak të gjykimit të shkurtuar, dënimi i tij ishte reduktuar më parë në 2 vite e 8 muaj burg.
Me vendimin e Apelit të Posaçëm, çështja rikthehet në GJKKO për rishqyrtim dhe vendim të ri.
