Pas arratisjes së bujshme të Altin Ndocit nga ambientet e Spitalit Rajonal të Durrësit, Drejtoria e Përgjithshme e Burgjeve ka ndërmarrë një operacion të gjerë sigurie, duke transferuar 33 persona të konsideruar me rrezikshmëri të lartë nga IEVP Durrës drejt IEVP Peqin dhe IEVP Fier.
Sipas burimeve, transferimet janë kryer për arsye sigurie, me masa të shtuara dhe nën shoqërimin e forcave të shumta policore.
Të transferuar nga IEVP Durrës në IEVP Fier:
Agim Gjini
Lulëzim Selimi
Dhimitër Nina
Aldi Zonja
Artur Hoxhosmani
Armando Ndreca
Astrit Avdyli alias Balliu
Braniol Liço alias Ago
Dorian Beu
Emirjan Beu
Enkeli Kërtalli
Skënder Sufaj
Ismail Zeneli
Klajdi Merkaj
Klevis Hoxhosmani
Morel Kërtalli
Maksim Ndoci
Saimir Bilaçaj
Të transferuar nga IEVP Durrës në IEVP Peqin:
Algert Rrapi
Enea Kume (vëllai i deputetit të PS, Loer Kume)
Elvis Ndreca
Endri Seiti
Erind Lasku
Artion Çaushllari alias Gjika
Armand Marvataj
Samuel Alfonso Moreno Serrano (shtetas venezuelian)
Orges Molla
Lulzim Berisha
Juxhin Koka
Jose Ramos Zacarias Rodrigues Vasques (shtetas venezuelian)
Gëzim Thartori
Geis Sejfullai
Ervin Zeqiri
Arratisja e Altin Ndocit
Dy ditë më parë, Altin Ndoci u arratis nga ambientet e Spitalit të Durrësit, ku ishte dërguar për kontroll mjekësor. Sipas policisë, ai ka goditur dy efektivët që e shoqëronin dhe është larguar me ndihmën e dy personave që e prisnin jashtë me automjet. Deri më tani, Ndoci nuk është lokalizuar, ndërsa policia vijon kontrollet në disa zona.
Altin Ndoci ishte arrestuar në maj të vitit 2020 dhe ishte akuzuar si pjesëmarrës në vrasjen e vëllezërve Besmir dhe Viktor Haxhiaj, si dhe të Dorian Shkozës dhe Anxhelo Avdisë në Durrës.
Më 2 prill 2024, Gjykata e Posaçme (GJKKO) pushoi të gjitha akuzat ndaj tij për këto ngjarje, duke e shpallur të pafajshëm, pasi nuk u bind nga dëshmitë e Klevis Allës. Ndërkohë, për vrasjen e dy vëllezërve Haxhiaj, Klevis Alla u dënua me 25 vite burg.
Pavarësisht pafajësisë për këto akuza, Altin Ndoci vijoi të mbahej në paraburgim, pasi SPAK ngriti akuza të reja ndaj tij, bazuar në dëshmitë e të penduarit të drejtësisë Nuredin Dumani, i cili e ka përmendur në disa ngjarje kriminale.
Autoritetet pritet të japin detaje të tjera në vijim lidhur me masat e marra dhe hetimet për arratisjen.
