Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Debate të forta janë shënuar sot në Kuvend mes deputetit socialist Erion Braçe dhe kreut të Partisë Mundësia, Agron Shehaj.
Përplasja nisi pasi Shehaj e quajti Braçen “hajdut i vogël”, një deklaratë që shkaktoi reagimin e menjëhershëm të deputetit socialist. Braçe u ngrit nga vendi dhe iu afrua Shehajt në sallë, duke i kërkuar llogari për akuzën.
Gjatë debatit, Braçe i kujtoi Shehajt se një deklaratë të ngjashme e kishte bërë edhe më parë, duke shtuar se sipas tij, ai kishte kërkuar më pas falje. Nga ana tjetër, Shehaj mohoi një gjë të tillë dhe përsëriti akuzën, duke e cilësuar sërish Braçen “hajdut të vogël”.
Tensionet vijuan për disa momente në sallë, ndërsa Shehaj kërkoi ndërhyrjen e kryetarit të Kuvendit për situatën e krijuar.
