Loard Sallaku ka dhënë dorëheqjen nga posti i drejtorit të Drejtorisë Vendore të Policia e Shtetit në Kukës.

Largimi i tij vjen në kuadër të valës së gjerë të lëvizjeve në strukturat drejtuese të policisë, të nisura një ditë më parë nga drejtori i përgjithshëm, Skënder Hita.

Në vijim të këtyre ndryshimeve, janë bërë një sërë emërimesh dhe transferimesh në disa qarqe të vendit:

Erion Ahmeti është emëruar në Drejtorinë Vendore të Policisë Fier, ndërsa Andi Banushi në Policinë e Elbasanit.

Krenar Guçe është caktuar shef rendi në Përmet, ndërsa Alfred Cenaj merr drejtimin e Komisariatit nr. 2 në Tiranë.

Ndërkohë, Gerald Toska është emëruar shef i Komisariatit të Fierit, ndërsa në strukturat e hetimit të krimit janë bërë disa lëvizje të rëndësishme: Dritan Muça është caktuar zv.drejtor për hetimin e krimit në Vlorë dhe Dritan Malaj në të njëjtin post në Berat.

Gjithashtu, Islor Islami është emëruar në Drejtorinë e Përgjithshme të Policisë së Shtetit si shef sektori në mbështetjen hetimore të krimit të organizuar.

Erdit Rreçeku është caktuar shef komisariati në Peqin.