Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Veshja e Zonjës së Parë amerikane, Melania Trump, gjatë takimit në Shtëpinë e Bardhë me presidentin kinez Xi Jinping dhe bashkëshorten e tij ka tërhequr vëmendjen e përdoruesve në rrjetet sociale.
Melania u shfaq me një bluzë të bardhë me një fjongo të madhe në pjesën e përparme, të kombinuar me pantallona të zeza me bel të lartë dhe këpucë të zeza.
Zgjedhja e saj u komentua gjerësisht në rrjet, ku disa përdorues e konsideruan veshjen tepër të thjeshtë ose jo mjaftueshëm formale për një takim diplomatik të këtij niveli.
“Duket si kamariere”, shkroi një përdorues, ndërsa të tjerë kritikuan stilin e saj dhe sugjeruan që të ndryshonte stilistin.
Pavarësisht komenteve, veshja ishte e markave luksoze dhe me një kosto të konsiderueshme. Bluza e Saint Laurent raportohet se kushton rreth 2,300 dollarë, ndërsa pantallonat Dolce & Gabbana rreth 1,945 dollarë.
Melania Trump e kompletoi pamjen me flokët e mbledhura, grimin e saj karakteristik dhe bizhuteri diamanti.
Kritikat në rrjet u përqendruan kryesisht te përshtatshmëria e kombinimit për një takim zyrtar, ndërsa çmimi i veshjeve tërhoqi një tjetër valë komentesh.
