Dy gazetarët që SPAK i ka vënë nën akuzë si pjesë e një dosjeje kriminale, Artan Hoxha dhe Elton Qyno kanë dalë nga godina e prokurorisë së posaçme me dosjen përkatëse.
Hoxha dhe Qyno qëndruan për thuajse një orë para prokurorëve, për t’u njohur me masën e sigurisë “detyrim paraqitje” dhe më pas janë larguar.
Ende nuk dihet se pse i ka përfshirë prokuroria dy gazetarët në një dosje të hetimit të bandave kriminale, por si Hoxha, ashtu edhe Qyno, kanë qenë pjesë e hetimeve të prokurorisë në disa raste për nxjerrje të lajmeve ekskluzive, të zbardhjes së dosjeve nën hetim, përgjimeve të Sky Ecc etj
