Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Drejtori i Përgjithshëm i Policia e Shtetit, Skënder Hita, ka firmosur një valë të gjerë ndryshimesh në strukturat drejtuese të policisë në vend.
Sipas burimeve zyrtare, Andi Banushi është emëruar zëvendësdrejtor në Policinë e Elbasanit, duke zëvendësuar Krenar Guçe, i cili është transferuar në detyrën e shefit të rendit në Përmet.
Në nivel komisariatesh, Alfred Cenaj është caktuar shef i Komisariatit nr. 2, ndërsa Gerald Toska merr drejtimin e Komisariatit të Fierit.
Ndryshime janë bërë edhe në strukturat e hetimit të krimit. Dritan Muça është emëruar zëvendësdrejtor për hetimin e krimit në Vlorë, ndërsa Dritan Malaj në të njëjtin post në Berat.
Ndërkohë, oficeri i karrierës Islor Islami, i cili një ditë më parë dha dorëheqjen nga posti i drejtorit të Policisë së Lezhës, është emëruar në Drejtorinë e Përgjithshme të Policisë si shef sektori në mbështetjen hetimore të krimit të organizuar.
Gjithashtu, Erdit Rreçeku është emëruar shef komisariati në Peqin, vendim që vjen pak ditë pasi u shkarkua zinxhiri komandues i këtij komisariati.
Vetëm gjatë së mërkurës, Hita ka firmosur rreth 40 ndryshime në radhët e policisë, duke sinjalizuar një riorganizim të gjerë të strukturave drejtuese.
