Në shtëpinë e Bayern Munich janë të fokusuar totalisht të blindojnë disa nga yjet e ekipet. Jamal Musiala është pa diskutim një prej “xhevahireve” më të çmuar që Bayern ka në dispozicion, me talentin e gjerman që përfaqëson të tashmen dhe të ardhmen.
Bayern Munich është gati të bëjë një çmenduri të vërtetë financiare për të blinduar Musiala-n, pasi sipas SportBild: Musila është gati të firmos një kontratë të re e cila do të ishte një rekord absolut pasi pritet të përfitojë afro 100 milionë euro nga kontrata e re.
Ndërkohë, një ndryshim drastik ka marrë çështja Alphonso Davies. Talenti kanadez ishte me një këmbë jashtë Bayern, por situata ka ndryshuar totalosht, aq sa Sky Sport shkruan se Davies është shumë pranë rinovimit të kontratës.
Anësori është rikthyer sërish të luajë në nivele të larta, ka rifituar vendin e titullarit, ndërsa Bayern dhe përfaqësuesit e tij po vijojnë negociatat. Bayern i kishte ofruar fillimisht një kontratë të re deri në 2029 dhe 13-14 milionë euro në vit, përfshi këtu edhe bonuset, ndërsa përfaqësuesit e lojtarit kërkonin 20 milionë euro kesh në vit, në të kundërt kërcënonim se do të largohej falas në fund të këtij viti.
Gjithnjë sipas Sky Sport, palët janë afruar sërish këtë periudhë dhe nuk është aspak çudi që të gjejnë një akord për të rinovuar kontratën./BW
