Prokuroria e Posaçme Kundër Korrupsionit dhe Krimit të Organizuar (SPAK) ka paraqitur në gjykatë një kërkesë për pushimin e çështjes ndaj kryetarit të Bashkisë së Lezhës, Pjerin Ndreu.
Deri më tani, Ndreu ka qenë nën hetim për akuzën e shpërdorimit të detyrës.
Kërkesa do të shqyrtohet nga gjyqtarja Etleva Deda, e cila do të caktojë datën e seancës ku do të vlerësojë nëse do të miratohet apo refuzohet kërkesa për pushimin e hetimeve.
Ndreu u kallëzua në SPAK nga Partia Demokratike në vitin 2023, lidhur me ndërtimin e një rruge Lezhë-Shëngjin. Sipas akuzave të PD-së, rruga u ndërtua në kundërshtim me ligjin gjatë periudhës së fushatës elektorale.
