Avokati i Popullit ka nisur hetimet administrative mbi veprimet e Policisë së Shtetit në zbatimin e urdhrit të ekzekutimit të masës së sigurisë ndaj ish-presidentit Ilir Meta.

Avokati i Popullit do të shqyrtojë mënyrën se si është kryer arrestimi dhe nëse policia ka respektuar procedurat ligjore dhe standardet e të drejtave të njeriut.

Është e rëndësishme të theksohet se ky hetim nuk do të merret me faktin penal ose me domosdoshmërinë e masës së arrestimit, pasi këto çështje nuk bien brenda mandatit të Avokatit të Popullit.

Fokusimi do të jetë në mënyrën e zbatimit të ligjit dhe mbrojtjen e të drejtave të individëve të përfshirë.
Sipas Avokatit të Popullit, kjo është një iniciativë që synon të sigurojë transparencë dhe llogaridhënie mbi veprimtarinë e organeve të rendit.