Tritan Shehu ka deklaruar publikisht se do të votojë për Sali Berisha në garën për kryetarin e ri të Partisë Demokratike, duke e cilësuar atë si figurën që i nevojitet vendit në këtë moment.
Në një prononcim për mediat, Shehu u shpreh se Berisha përfaqëson zgjedhjen e duhur në situatën aktuale politike dhe se mbështetja e tij është e qartë.
“Unë kam thënë që do të votoj për Sali Berishën. Gjykoj se ai i duhet Shqipërisë në këtë moment të vështirë,” tha Shehu.
Duke komentuar faktin që në garë për drejtimin e Partia Demokratike ndodhet vetëm një kandidat, Shehu e ka cilësuar këtë situatë si normale për funksionimin e brendshëm të partisë.
Sipas tij, në raste kur ka vetëm një kandidat, anëtarësia thjesht shpreh vullnetin e saj përmes votës.
“Kur ka një kandidat të vetëm, anëtarësia voton dhe shpresoj që do të votojë për Sali Berishën,” u shpreh ai.
Deklarata e Shehut vjen në një moment kur procesi i brendshëm i PD-së dhe gara për drejtimin e saj janë në fokus të debatit politik.
