Arti Papajani është larguar nga detyra e drejtorit të Fondit të Sigurimit të Kujdesit Shëndetësor, me vendim të ministres së Shëndetësisë Evis Sala.
Në vend të tij është emëruar Ilir Topi, i cili do të marrë drejtimin e institucionit në vijim.
Papajani ishte emëruar në krye të Fondit të Sigurimit të Kujdesit Shëndetësor në shtator të vitit 2025, po me vendim të ministres Sala.
Deri më tani nuk janë bërë publike arsyet zyrtare të largimit të tij nga detyra, ndërsa nuk ka ende një reagim publik nga vetë Papajani lidhur me vendimin.
